Երեւանում, մայիսի 29-ին սպանություն է տեղի ունեցել. ժամը 23։20-ի սահմաններում ՀՀ Ներքին գործերի նախարարության Ոստիկանության Մալաթիայի բաժին ահազանգ է ստացվել, որ Շահումյան 4 փողոցում՝ «Նեպտուն» համալիրի ավտոկայանատեղիում կրակոցներ են հնչել և դի կա, հայտնում է shamshyan.com-ը։
Ոստիկաներն ու քննիչները դեպքի վայրում հայտնաբերել են երիտասարդ տղայի դի, կրակված պարկուճներ ու գնդակ, արնանման հետքեր։
Ոստիկանությունն ու քննչական բաժինը պարզում են մահացածի ինքնությունը։
Փաստի առթիվ Մալաթիայի բաժնում սպանություն հատկանիշներով նախաձեռնվել է քրեական վարույթ։
Դեպքի վայրում հավաքված մի քանի քաղաքացի, ովքեր հրաժարվեցին տեսախցիկի առաջ խոսել, ասում էին, որ սպանվածը 18-ամյա Դավիթ Թամարյանն է, ում վրա մի քանի անգամ կրակոցներ են արձակել, ու մինչ շտապօգնության ժամանումը նա մահացել է։
Մանրամասն՝ սկզբնաղբյուր կայքում։
Ողբերգական դեպքի վերաբերյալ Hayastan.news-ին նոր մանրամասներ են հայտնի դարձել։
Սպանության մեջ կասկածվողն ինքնակամ ներկայացել է իրավապահներին,և հայտնել, որ մարդ է սպանել։ Ըստ աղբյուրի փոխանցման՝ պատճառն այն է, որ տարիներ առաջ սպանվածի հայրը սպանել է սպանությա մեջ կասկածվողի եղբորը. «Ասում է՝ եղբոր վրեժն էր»։
Նշենք, որ սպանության մեջ կասկածվում է 24-ամյա երիտասարդ, որը ձերբակալված է։
