Այսօր՝ մայիսի 6-ին, Եռաբլուր զինվորական պանթեոնում տեղի ունեցավ 44-օրյա պատերազմում զոհված Արայիկ Բաղդասարյանի հուղարկավորությունը։
Նա համարվում էր անհետ կորած։ Պատերազմից ի վեր ԴՆԹ-ի մի քանի փորձ է տեղի ունեցել։ Հայաստանում սխալ պատասխանից հետո Գերմանիայում հաստատվել է, որ մասունքը Արայիկ Բաղդասարյանինն է։
Արայիկ Բաղդասարյանը ծնվել է 1996 թվականին, նա նաև քառօրյա պատերազմի մասնակից էր։ 44-օրյա պատերազմին մեկնել էր որպես կամավոր։
Հիշեցնենք, որ հերոսի մորը՝ տիկին Գոհարին կարմիր բերետավորները Եռաբլուրում քարշ էին տվել՝ Նիկոլ Փաշինյանի մուտքը Եռաբլուր բացելու համար։
