Թուրքական «Baykar» ընկերության խորհրդի նախագահ Սելչուկ Բայրաքթարը (Էրդողանի փեսա) հայտնել է, որ Թուրքիան զբաղեցնում է անօդաչու թռչող սարքերի համաշխարհային շուկայի 65%-ը։ Այս մասին գրում է Էրմենիհաբերը։
Ըստ նրա՝ այդ շուկայի գրեթե 60%-ը պատկանում է միայն «Baykar» ընկերությանը ու ներկայումս աշխարհի ամենամեծ անօդաչու թռչող սարքերի խոշոր հարթակներում է տեղ գտել։
Ըստ Բայրաքթարի՝ «Baykar»-ը վերջին 3 տարվա ընթացքում համարվում է աշխարհի ամենամեծ անօդաչու թռչող սարքեր արտադրող ընկերություն և ներկայումս 3 անգամ ավելի մեծ է, քան ամերիկյան ընկերություններինը։
Բայրաքթարը նաև նշել է, որ ընկերությունը սկսկել է արտադրել Թուրքիայի առաջին անօդաչու թռչող սարքերը դեռևս 2004 թվականից։
Անդրադառնալով «Bayraktar AKINCI»-ին՝ նա նշել է, որ այն ներկայումս արտահանվում է շուրջ 10 երկիր, իսկ «Bayraktar TB2»-ը աշխարհում ամենաշատ արտահանված անօդաչու թռչող սարքն է։