Սննդի անվտանգության փորձագետ, «Իրազեկ և պաշտպանված սպառող» ՀԿ նախագահ Բաբկեն պիպոյանը ֆեյսբուքյան էջում գրում է․
«Ի՞նչ մակարդակի «տաղանդ» է պետք ունենալ, որ Հայաստանի նման երկիրը, որը կանգնած է լրջագույն մարտահրավերների առաջ, կարողանալ մտցնել Պուտինի ձերբակալման թեմայի մեջ: Ո՞նց է, էլի դա հնարավոր: Սա դեռ ծաղիկներն են՝ ավելի վատ ազդակներ էլ կստանանք, բայց հարցն անգամ սա չէ, այլ, թե բացի հերթական պրոբլեմը ստեղծելուց, ի՞նչ ստացանք:
Ամեն տեղ մեզ մեջ գցելը պարտադիր է՞:
Հ.Գ. Անիմաստ քֆուր տալը տղամարդկության հետ կապ չունի, անգամ, եթե դրա համար բերանիդ չես ուտում: Էլ չասեմ, երբ «բերանին ուտելն» էլ չի ուշանում:
Հ.Գ.2 Գրառումն այն մասին չէ, որ սննդի անվտանգության ու վերահսկողության խնդիր չունենք»:
Հիշեցնենք, որ համաձայն «Ռոսսելխոզնադզոր»-ի՝ Հայաստանից կաթնամթերքի արտահանումը ՌԴ կարող է սահմանափակվել։