Ադրբեջանում հավատարմագրված դիվանագիտական կորպուսի ներկայացուցիչներն այցելել են օկուպացված Արցախի Հանրապետություն, եղել են Քարվաճառում, այդ թվում այցելել են Դադիվանք:
Ադրբեջանական լրատվամիջոցների հաղորդմամբ, Քարվաճառում դիվանագետները ծանոթացել են նոր բնակավայրի և քաղաքային կրթահամալիրի շինարարության ընթացքին։ Նշվել է, որ բնակավայրի տարածքում կստեղծվեն բոլոր անհրաժեշտ ենթակառուցվածքները «նախկին ներքին տեղահանվածների վերադարձի համար»։