ԱՀ գլխավոր դատախազությունը և պետական սահմանային ծառայությունը համատեղ տեղեկատվություն են տարածել, որում ասվում է.
«Մայիսի 26-ին Հայաստանի զինված ուժերի դիվերսիոն խմբի կողմից Ադրբեջան-Հայաստան պետական սահմանի Զանգելանի շրջանի Ռազդարա գյուղով անցնող հատվածում կանխվել է Ադրբեջանի պետական սահմանի խախտում։
Այսպես, սահմանային անցակետում ծառայող ադրբեջանցի զինծառայողները բերման են ենթարկել ՀՀ զինված ուժերի 2 զինծառայողների։
Ադրբեջանի գլխավոր դատախազությունը հայտնում է, որ ՀՀ զինծառայողներն են Հարութ Յուրիկի Հովակիմյանը և Կարեն Աշոտի Ղազարյանը։
Հարուցվել է քրեական գործ ահաբեկչության, ազգային թշնամանք հրահրելուն ուղղված գործողությունների և այլ հոդվածներով»։
Նշենք, որ երեկ ՀՀ պաշտպանության նախարարությունը հայտնել էր, որ ադրբեջանական լրատվամիջոցներում տարածվող տեղեկություններն այն մասին, թե իբր սահմանագոտու հարավարևելյան հատվածում հայկական կողմը դիվերսիոն-ներթափանցման փորձ է կատարել, բացարձակ սուտ է և չի համապատասխանում իրականությանը:
